Disney kjøper Pixar for 7,4 milliardar dollar
Målform: Nynorsk - Dato: 25. januar 2006 - Oppdater siden - Rediger artikkelen - Flere nyheter
- 12. feb 2012: Whitney Houston funnet død
- 7. apr 2010: Sebastian Waldejer hyret inn av Thomas Dybdahl
- 3. mar 2010: Band of Horses annonserer nytt album
- 22. aug 2009: 7 Amanda-priser til Max Manus
- 25. jun 2009: Popartisten Michael Jackson er død
USA: Disney sitt kjøp av animasjonsgiganten Pixar inneber ei heilomvending for grunnleggjaren av Apple, Steve Jobs, som eig meir enn halvparten av Pixar. Kjøpet inneber at Jobs får ein plass i styret i Disney, melder BBC News.
Pixar har hatt ein distribusjonsavtale med Disney som skulle ha gått ut i slutten av året. Sidan føretaka ikkje har komme overeins om korleis vinsten skulle delast i samband med ein ny avtale, såg det ut som Disney og Pixar ville splittast.
Når no Disney kjøper Pixar for 7,4 milliardar dollar inneber det ei heilomvending. Den noverande sjefen i Disney, Robert Iger, har lukkast med å løyse konflikta mellom Steve Jobs og den tidlegare sjefen i Disney, Michael Eisner.
- Med transaksjonen ynskjer vi velkommen den unike kulturen på Pixar, som på to tiår har skapt nokre av dei mest innovative og framgongsrike filmane i historia, uttala Iger.
Disney skal ha tent omkring 3,2 milliardar dollar på Pixar sine seks filmar, men mange analytikarar meiner den store fortenesta ligg i att Disney får tilgong til den kreative krafta som finst hjå Pixar.
John Lasseter, mannen som pleier å få æra for den kreative atmosfæren på Pixar, kjem gjennom kjøpet ikkje berre til å bli sjef for animasjonssegmentet til Disney, men òg for Walt Disney Imagineering som står bak førnøyelsesparkane til Disney.
[rediger] Kjelder
 |
Denne nyhetssaken er en hel eller delvis oversettelse av «Disney köper Pixar för 7,4 miljarder dollar», fra Wikinytt på svensk , versjonen fra 25. januar 2006. |
|
|
