Hopp til innhold

Google innfører sjølvsensur i Kina

Fra Wikinytt

Nynorsk - onsdag 25. januar 2006 - Oppdater artikkelen

Det amerikanske internetføretaket Google har meldt att dei kjem til å innføre sjølvsensur for å få tilgong til den kinesiske marknaden.

Google har hatt ein kinesisk versjon av sin populære søkemotor tilgjengeleg i fleire år, men kinesisk sensur har gjort det vanskeleg for brukarar i Kina å bruke tenesta. Gjennom å sjølv sensurere søkeresultata på ein ny vevstad – google.cn – håpar føretaket på å kome forbi sensuren, som ein meiner er mindre skadeleg enn det hadde vore å ikkje ha noka teneste i Kina.

Mange velkjende vevstadar er omfatta av den kinesiske sensuren, blant anna BBC, og mange kritikarar påpeikar at mykje viktig information vert gjort utilgjengeleg via google.cn – til dømes om Falu Gong-rørsla, Taiwan og massakren på Den himmelske fredsplass i 1989.

Google har i ei pressemelding sagt at dei planlegg å informere brukarane når søk vert sensurerte, samtidig som dei ikkje kjem til å tilby sine mail-, chat- og bloggtenester for å ikkje risikere at kinesiske myndigheiter krevar at informasjon om einskildpersonar vert utleverte. I fjor vart Yahoo anklaga for å ha levert ut informasjon som gjorde til at ein kinesisk journalist vart dømd til ti års fengsel.


Den her artikkelen er ein kort telegramartikkel. Om du veit meir om emnet den omtalar kan du utvide den.

Kjelder[rediger]