80 000 lærarar i streik
Målform: Nynorsk - Dato: 29. mars 2006 - Oppdater siden - Rediger artikkelen - Flere nyheter
Foto: Rei-artur
Norge: Frå klokka 12.00 i morgon streikar 80 000 lærarar i grunnskulen og på vidaregåande skular. Kommunenes Sentralforbund (KS) trugar med å melde saka til arbeidsretten dersom streiken vert gjennomført.
Lærarane som streikar er organiserte gjennom Utdanningsforbundet. Leiaren i Utdanningsforbundet, Helga Hjetland seier ho meiner at situsjonen er så alvorleg at det er heilt naudsynt å streike dersom ein skal redde den norske fellesskulen.
- Denne streiken er ein kamp for å sikre kvaliteten i norsk skule, ikkje ein lønskamp, seier Hjetland.
Konflikten mellom lærarane og KS handlar om arbeidstid. Det vart i 2004 mindre tilgong til heimearbeid for lærarane. Dei skulle i staden arbeide meir på skulen, og dette skulle føre til m.a. betre elevkontakt og ressursutnytting. Evalueringa av denne avtalen syner at lærarane er svært misfornøgde med avtalen, slik ho er i dag.
KS meiner streiken er ulovleg, og vil stevne Utdanningsforbundet for arbeidsretten.
- Forhandlingene om arbeidstid pågår framleis, og dermed er streiken ulovleg, seier administrerande diretkør i KS, Olav Ullern.
Helga Hjetland seier Utdanningsforbundet er budde til å ta kampen i arbeidsretten dersom KS vil ta opp saka der.
Relaterde nyhende[rediger]
Kjelder[rediger]
- Dagbladet: - KS vil rasere skolen, av Gro Wold Strømsheim (29. mars 2006)
- Verdens Gang: 90.000 i streik, av Jostein Matre (29. mars 2006)
- NRK Nyheter: Sender lærerne til arbeidsretten, av Eva Stabell (29. mars 2006)